AURKEZPENA

Blog honetan Gorputz Heziketa 2.0 ikastaroan egindako lana aurkezten dizuegu. Bertan, Gorputz Hezkuntza saioetan  akromalabar (akrosport eta malabar ariketak uztartuz)  Unitate Didaktikoa landu dugu.  Lanak bi norabide ditu; alde batetik irakasleoi Unitatea garatzeko helburu, eduki, metodologia , ebaluaketa eta materialari gaineko zehaztasunak agertuko dira. Bestetik, ikasleen ikasketarako baliagarriak izan daitezkeen bideoak sortu ditugu.

JUSTIFIKAZIO ETA HELBURUAK

SARRERA-JUSTIFIKAZIOA: 

Malabarren eta akrosportaren oinarrizko teknikak ezagutu ondoren, talde lanean, sormena 

bultzatzeko asmoarekin aurkezten dugu unitate hau.

GH 2.0 IKASTAROKO HELBURUAK:

1-Malabarren eta akrosportaren irakaskuntzan, bideo tresnaren erabilpena bultzatu.

2.-Irakaskuntza kooperatiboaren teknika ezberdinak aplikatu

3.-Material pedagogiko berritzailea eraiki

4.-Ikasleen trebetasuna, sormena eta lankidetza bultzatu

UD-aren HELBURUAK

1.- Malabaretako teknika ezberdinen eta Akrosport-eko oinarrizko figurak ezagutu

2.- Ikasitako teknika ezberdinak aplikatuz taldeka koreografia xume bat antzeztu

3.- Teknologia berrien laguntzaz informazio ezberdina jaso, barneratu eta teknika 

kooperatiboaren bitartez elkar transmititu

4.- Aurkeztutako lan baten grabaketa, editazioa eta publikoa den euskarri batera igotzen du.

EDUKIAK

-Pilota malabareen egin.

-Malabar pilotak, kariokak, plater txinatarrak eta akrosporteko figura ezberdinak.

-Elkarlaguntza.

-Malabare eta akrosporta uztartuz espektakuloa antolatu.

-Bideo grabaketa eta edizioa.

METODOLOGIA

METODOLOGIA-ANTOLAKETA: Ikusentzuneko materialean oinarrituta malabar eta akrosporteko berariazko trebetasunak ikastea eta elkar irakastea.

EBALUAZIOA

EBALUAZIOA:

• Ebaluazio irizpide eta adierazleak:
• Ebaluazio irizpideak

• 3 pilota malabare sortzea.
• Tresna malabare ezberdinekin (pilotak,kariokak eta plater txinatarrak) mugimendu edo errutina ezberdinak lantzea eta menperatzea.
• Ikaskuntza prozesuan elkar laguntzak egitea
• Taldeka malabareak eta akrosporta uztartuz zirkoko espektakulu xume bat diseinatzea.

• Ebaluazio adierazleak
• Hiru malabare pilota egiten ditu.
• Pilotak, kariokak eta plater txinatarren oinarrizko errutinak menperatzen ditu.
• Akrosporteko oinarrizko figurak ezagutu eta burutzen ditu.
• Ikasteko laguntza eman eta jasotzeko jarrera du.
• Taldearen barnean azken aurkezpena diseinatu eta egiten du.
• Teknologia berriak erabiltzeko gai da, bai jaso eta baita igortzea.

• Ebaluazio tresnak
• Irakaslearen behaketa orria
• Kontrol fitxak
• Heteroebaluazioa; zirkoko talde lana autoebaluatzeko.
  
  
  
  
  IRAKASLEAREN BEHAkETA ORRIA

  Saioa burutu behar dutenak	bai	ez
  Partze aktiboa izan du Gaiarekiko jarrera ona izan du Lan prozedura ondo ulertu dute Taldeak bere lanak ondo antolatu ditu Taldekideak talde barruko eginbeharrak bete dituzte Malabaretako material ezberdin guztiak erabili dituzte Egin beharreko montaiaren azalpena eman dut Akroesporteko seguratasun neurriak egoki bete dituzte Azalpenetan beste soporte lagungarriak erabili dituzte Teknología ondo erabili dute
  Grabaketa burutu behar dutenak	bai	ez
  Grabaketan zehar adi egon dira Teknologia berrien erabilpen egokia egin dute Arauak errespetatu dituzte Espazioa ondo menperatu dute Grabaketan parte hartze aktiboa izan dute Jarrera ona izan dute
  Ebaluatu behar dutenak	bai	ez
  Fitxak ondo bete dituzte Argi eduki dute beraien eginbeharra Arduraz jokatu dute Kritikoak izan dira jarrera egokia eduki dute

  
  
  
  IKASLEENTZAKO FITXAK

  KOEBALUAZIOKO FITXA	bai	ez
  Malabare ezberdinak menperatzen ditu Akroesporteko figura ezberdinak burutzeko gai da Klaseko arauak bete ditu Azalpenetan adi egon da Txandak errespetatu ditu Taldearen eginbeharrak bete ditu Lankideak errespetatu ditu Parte hartze handia izan du Gaiarekiko interesa erakutsi du Teknologia berrien erabilpen egokia burutu du

  
  
  
  

  AUTOEBALUAZIO FITXA (Ikasleena)	bai	ez
  Besteek burututako ekintzak adi jarraitu ditut Grabaketa ondo burutu dut Taldean nire ardurak bete ditut Ebaluaketak lanean jarrera kritikoa eduki dut Lan honetan gustora parte hartu dut

  
  
  
  

MATERIALA

• IKT materiala: Minieramangarriak

• Instalazioak eta gorputz hezkuntzako materiala: Pilotak, plater txinatarrak, kariokak

ARIKETA-JARDUEREN SEKUENTZIAZIOA

Zein ariketa edo jarduera proposatuko diren saio bakoitzean, unitatean zehar, txoko bakoitzean...

1.- Material sorrera: Pilotagintza eta trebakuntzan hasi

ATALAK	MATERIALA	DENBORA
1) Pilotak egingo ditugu talde handian	globo normalak pilota bakoitzerako 3 eta arroz borobil poltsa bat bikoteka	30 min. bikoteko biak 3 pilotana lantzeko
2) Piloten oinarrizko teknikaren hastapena	ordenagailu erabilgarriak bikoteka eta 2 pilotarekin egin beharreko ariketa ezberdinak ikusi eta burutu	15 min.

2.- Pilotetan, karioketan eta plater txinatarretan trebatzen> talde osoa 3 txokotan banatu eta txoko bakoitzean minieramangarri batekin txoko horretako malabarearen inguruko progresio txiki bat ikusi eta ikasten (barneratzen) ahaleginduko dira.

ATALA	MATERIALA	DENBORA
A TXOKOA > 2 zein 3 pilotekin trebetasun ezberdinak menperatzea. Bideoetan zailtasun progresiboko ariketan agertuko zaizkie eta hauen barneraketa indibiduala izango da helburu	Minieramangarria 3 pilota ikasleko progresioa bideo edo power pointean	saio osoa
B TXOKOA> Kariokekin esku bakar batez, bi esku batera eta 2 eskuak elkargurutzatzen ikastea izango da helburu.	Minieramangarria 2 karioka ikasleko progresioa bideo edo power pointean	saio osoa
D TXOKOA> Plater txinatarra makila gainean erori gabe edukitzetik orekan mantendu eta ahal bada saltotxoak emateko gai izatera bitarteko progresioa izango da landu beharrekoa	Minieramangarria plater txinatarra ikasleko progresioa bideo edo power pointean	saio osoa

3.- Akrosportean trebatzen

ATALAK	MATERIALA	DENBORA
AKROSPORTEKO figura ezberdinak ikustean, aurreko eguneko talde berdinetan ( 3 talde ),    irudi ezberdinak ulertzea eta barneratzea	minierabilgarriak taldeka	15 min.
3 taldeetan banatu eta figura ezberdinak landu	minierabilgarriak progresio edo figura ezberdinak zehatz burutzeko bideo edo power point	45 min.

4. eta 5.- “Elkarerakutsiz”

ATALAK	MATERIALA	DENBORA
Talde berriak 3 txokotan banatuko dira non bakoitzean euskarri informatikoa egongo den material ezberdinen progresioekin. Taldekide guztien artean progresio ezberdinak landuko dituzte espezializten ardurapean.	Talde bakoitzean>> Minierabilgarri bat bikoteka 6 pilota kariokak (3-naka pare bat) plater txinatarrra (3-naka bat)	2 saio oso

6. eta 7. - Koreografia diseinatu taldeka

ATALAK	MATERIALA	DENBORA
Akrosporteko koreografia asmatu	Ez da behar
Malabareekin ariketa berezia edo koreografia prestatu	Malabare ezberdinak	Guztira 2 saio erabiliko ditugu
Koreografia osoaren antolaketa eta entsaioa	Malabare ezberdinak	Talde bakoitzak berak antolatuko du denboraren banaketa
Talde ezberdinen aurkezpena	Malabare ezberdinak

8.Koreografiaren antzezpena, grabaketa eta ebaluaketa

ATALAK	MATERIALA	DENBORA
Talde bakoitzak bere aurkezpena egingo du	Malabareak	10 min
Beste talde baten grabaketarekin arduratuko dira	Bideoa eta tripodea	10 min
Beste talde baten ebaluaketa egiten arduratuko dira	Ebaluazio plantillak	10 min

OHARRA>> talde bakoitza arduratuko da etxeko lan moduan bere bideoa ikastetxeko blogera edo moodel-era igotzen.